Namma massoynah fanti makaadooy massoynaani miraacissah tan mirocti elle walalak namma massoyna qaduwwi cabaaru kee boylal hitta elle geyaanah yanin gita fiddonoysoonuh agleh fooca xisoonuh illacabo maasayya gufeenih yaniinim tama foocat koobaahis makaadoh saqal qaddoyse.

Maayoh alsak 26-27/2009 yakke widdirih addat namma massoynah miroctii kee fanti makaadoh adoytit edde marrowteh tan daffeyna gexiseenih yaniinim kee daffeynat namma massoynak tangalu waytah tan giclo abah ixmaa kee kobox edde yakku waah yan maalih ixma elle madqeenih yaniinim koobaahis makaabonuk saqalah yanih yan giclo abeenih Karnaliiyos Qusman diggoyse.

Tama mango mari malqo akkeleh yassafarreenih yanin namma mssoynah kobox  tamaateh tan giclo waktittek fooca yagiyyuru waah yan kobox kinnih tanim kee qaduwwil hargamo yekkeh yaniimit akak yaabaanah yanin koboxut  taddiira hitta akak celtah tan massoynaani inki fooca akah yallen innaa kee yamaateh yan ummatta koboxuh fidin walal abak kusak kutbeeba gaaboysak faxxiimah yan bicat akah geytimaanah yaniinim koobahis makaabonuk saqalah yanih yan giclo abeenih Karnaliyos Qusmaan qaddoyseh yanim kee yakku waah yan kobox faxxiimah yan innal yakkuh raage gaaduleyti Girmaay kixaane (waxxi filibbo) tabna alfi birri (10,000,00) kuuxeh yanim kee isih takku waytah tan koboxut marroowu waah yanim koobaahis makaabonih saqal Karnaliyos Qusman ossotinah qaddoyse.

Mayso agattiinaani ximokraasih massoynaanih imi!!!

Asaaku dumaak muxxih  isinni amoh-xin isinnih madqaanama!!!!

Kobaahis makaadooy May alsak 30/2009.