Exbaay kee dariifal sigtah tan eretriyah kunaamah ximokraasih massoynah adoytit kee kacantoolit namma massoynah fanat yanih yan qallaa kee namma massoyna bicat akah geytimtah tan foci xisne aytakumusak geytimaanah yaniinim ximcakoe xaagi diggoyse

Tama xaagi elle qaddoyseh yan innal namma agat massoyna bicat akah geytimtah tan foci xisnek udurruteenih yaniinim kee shamalbal geytimtah tan ximcakoeh adoytit daffeyna gexiseenih yaniinim kee tama daffeynal foci xintet yangalu waah yan mara elle dooreenih yaniinim kee foci xisneh catotta takkeh tan maali gaaboyna abak geytimaanah yaniinim tokkek geytimeh yan xaagi qaddoyse axcuk ximcakue xaagih raceenah xaagi nummase.

Tama xaagi ossotinah elle qaddoyseh yan innal tama namma massoyna inkih tan eretriyal geytimtah tan agttiinaanih essero quukah elle tan namma massoyna kinnih tanim qaddoysak tama namma massoyna axcih qasa badih qafarih ximokraasih massoyna kee eretriyah kunaamah ximokraasih massoyna gexissah tan gicloh xaqut illacbo saaqat fanah boor kee bagu akkuk yangiicilloonu waanah yaniinim shamalba kee exbaay dariifal sigtah tan ummatta qaddosse.