Eretriyah agattiinaanih ximokraasih foocak  taama selta makaado Shamalbal geytimtah tan dabbo maritteh foci xisne edde cabtem qadoyseenih yaniinim tama foocak maysaxxagah exxah xaagi nummayse.

Agattiinah foocak taama selta makaado June alsak 27/2009 Shamalbak dabbo guubul geytimta massoynaanih adoytit kee kacantooliitih gexiseenih yanin baxxaqsal namma massoyna elle yangaleenih yaniinimil baar luk taamitiinu waanah yaniinim kee Higxef qaxo eretriyah ummattak baxiseenih yanin inkittiino kee kas gaaboysak giclo inki tattabak gexisoonuh xagana culeenih yaniinim yenketteh yan marah qaddoysen.

Tama makaado abteh tan baxxaqsi gaabooweh yan mara ruffu heeh yanim kee tanna leh tan abinitte waareh meqeh abinittey higxef buttah karma uxuxxoosah yani kinnih tanim yenketteh yan mari qaddoysak faxximmi intaamah tama namma massoynah qaxut loonuh yanin cayla kee kas assagalle loonuh yaniinim dabbo mari qaddoyse axcuk agattiinah foocak maysaxxagah exxah xaagi ossotinah nummayse.

Illacabol taama selta makaado Qafar kee Kunaama elle geytimtah tan aroocat gufne gexisoonu waanah yaniinim kee namma ummatta abak raag milaagu hittallih abe-leh tanim qaddoysen.